钟丽缇性感亮相Longchamp春夏手袋成衣展

　　3月20号，Longchamp在上海久光百货展出07女装迷你系列，仲要系全球首先发行。钟丽缇同埋一班内地models仇玉婷、仲雯、王莎莎等演绎 Longchamp新货。呢个系列真系唔错，好适合都市人。要知道上海香港等大城市节奏急速，简单轻便为主嘅服饰就最啱，特别上海女仔身型较高挑，着上迷人服饰可以突出身材。而且上海香港天气潮湿，用纯棉造嘅衫比较舒适，配合番同系列嘅风褛、夹克，出入冷气地方就唔怕冷亲。至于手袋方面，今季先推出嘅Rival系列以牛皮同山羊皮制造，手袋更耐用。好似钟丽缇咁，成个show都拎住个银色mini手袋，同套黑裙做个强烈对比。